Honey Honey

林二汶version 的honey honey 那甜如蜜的感覺令我想到了你

好想你好想你好想你

但我還是一樣嗎?

um....
我也不太確定

換了電話

只留了那幀屬於一年前的相片在裡面


有人突然關心我的wallpaper 用了甚麼

我忍住了沒有用那些合照呢


再也沒有那強烈的確定感
彷彿...

我走得太遠了

會再回去嗎?

季節．生活

昨晚，無所不用其極拼了老命推掉了所有要上的課。

為的是那個喜歡了十年的男人。

永遠的偶像--- Brett Anderson。

台上的他，加上迷離的燈光，我......看到了我的神。

雖然唱的都是他個人發展以後的歌曲，但是聽到back to you 仍然悸動。

在瘋狂的人海中，我哭了。

哭，是因為了卻其中一個失落了的遺憾。

哭，是因為親眼看到他。

他早年表演picnic by the motorway的片段仍然在我的腦海打轉。

抽著煙的他，唱著他的頹然珣麗。


我嗅到了秋的氣息。

每每到了秋季，那季節性的煙癮又會泛起。

一日返左2日工

由朝早10點45分...做到凌晨5點

真係....讀書都冇咁勤力...

星期六~~~放假!!!~~~WOWOWOWOWOWOWO~~~

理想 vs. 現實

曾經幻想過24歲嘅自己會係一個過住優皮士生活嘅copywriter。

原來我呢個夢想未死得晒!

因為呢，我工作其中有部分係要做章程同雜誌!

所以我都仲有八分之一係一個編輯同埋八分之一係一個copywriter。

理想入面既editor，會係出口成文，好有態度，學富五車，點石成金，非常之有文人風骨嘅人。

可惜，現實入面既我....風骨生得入左少少，只可以妥協之後再做自己想做既野，樣樣野都要等人approve。

響coffee shop 係冇可能寫到稿同做到translation 架!

因為要有實體書做reference。如果有個人用住notebook 又勁多字典咁響starbucks 做野...真係一D都唔型。

可能，而家既野係我理想入面八分之一既八分之一都唔夠，但其實，發展既機會真係多。

響現實入面慢慢建立自己，向理想入面既自己進發!

Relax

早排工作有D唔如意事

我好肯定自己工作態度冇問題

但畀老細話自己唔上心都真係梗住梗住....

今日放左工之後衝左去Office 對面街買書

慘啦

我而家買乜都冇mood都仲會去買書

唔通個人真係定性左??

聽日放假

我決定左將做野既次序調一調

畀自己一個休孖Day既假像!!!

病

其實我真係好怕病...例如今次係右邊血核腺痛到連埋個頭一齊痛埋...
睇完醫生都係要返工架!
例如若然請病假又要煩到編更同事要突然搵人頂喎....

如果老細病左仲大鑊...係成個centre要搵返一日出黎補返果個星期既堂架...都咪話唔得人驚
所以...天王一定要係鐵人...=__=

食左藥好眼訓呀
但D野又未諗好...
唉

easyjournal down左...我同佢既記憶仲留到幾耐?

blog...一定唔係而家先開始寫，呢一個係純記錄純發泄既匿名blog。之前諗左好耐開唔開好，但因為同個大學同學食飯講開又講返到黎忍唔住都係開左。

正當而家剛剛有D事業，而又同個舊人有景既時間，想睇返以前中學雞既時候寫落既野。果時係用easyjournal架，但呢幾日上極都上唔返去，睇唔返果時既交換日記:( 話唔定個天都唔想我記返咁多以前既野，一切重新開始卦。

果時真係同個男人響easyjournal道一齊寫野，裡面全部都係高中時既生活片段，佢千祈唔好永不超生呀...唔係我既記憶就咁無晒。我相信而家好少人會有hard copy既日記架嘛....

話說之前忙到媽媽都唔得閒見，可況係見男人，約左成個月先至約到佢又得閒我又得閒既日子咋!其實我同呢個人既關係好古怪，一直以黎都似似地係又似似地唔係咁...簡單黎講係兩個人約出黎先似一齊但有其他人又唔係咁。呢個狀態維持左唔知幾耐，而同呢個人出去既相一擺"飛卜"，其他人都會講我地好sweet，所以對住D同事都懶得解釋，當佢係正印算喇。雖然，我知自己既身份係特約...

其實，我咁耐以黎都走唔甩，原因係一件小小既事。

中六果一年，佢係一個轉校生，而佢係班上面唯一一個高分過我既人，而咁啱我地都係讀maths group，又咁啱我地因為成績好而做左學術大使(即係負責每日幫同學抄低有咩功課交既人...真係好好既發明...)就係咁...無啦啦好熟成日講電話又一齊放學咁...

有一日，等巴士返屋企傾傾下，手上面本黃頁咁厚既pure maths書跌左落地，而入面夾住呈紙張狀既海量功課畀一陣怪風吹出馬路，呢隻仔...竟然同我衝左出馬路執返我D功課!!!好彩果時冇車，唔係佢因為咁而畀車車死左既話我真係唔知點算...

果時我就諗，一個人會肯為我衝出馬路，佢個心差極有限。雖然，之後我同呢一個人過左一段因為青春叛逆而互相傷害既日子，但係響佢大學畢業之後又無啦啦friend 返。

唉，一friend返就出事。

根本我地唔應該做朋友，但佢同我都同時間怕左負責呢樣咁沉重既野而揀左呢個對我地黎講最舒服既相處方式- 拍拍哋拖。

可能人大左冷靜左，出奇地我地唔會再嗌交。

手痕想睇返以前既事等我記返起當時既一D感覺，點知個server down Q左...頂，快D好返啦!等我做返backup囉。

我的工作

雖然我係一個讀language既人，但係我好鐘意用廣東話寫野。

只會係我最唔開心既時候用返白話文寫野。

希望呢一個blog 入面既野會係廣東話為主啦。

我都想自己keep住開心。

講返我份工，我既正職係補習天王助手，同平時既助教唔同，因為要走唔同既centre。Peak 既時候真係試過全日都見唔到太陽光，響centre入面由朝到晚不停play碟。真係人都癲。最慘既係，身為一個勤力既助手，再加上每班既進度係未必一樣，好多時同一堂聽足7次，精心計算既笑位都會笑唔出，但眼訓又唔訓得。所以都唔好話我地淨係識得播碟!!!

忍耐力要超強，因為一入行個人就會自然變左美國時間。做記者要有鐵腳、馬眼同神仙肚，而我地助教(其實天王都係...)都一樣要有!!!堂與堂之間好小會有break，因為課堂真係排得好緊湊!放工真係有時十一點幾先走得...雖然話返下晝4/5點，但仲有個上晝要prep materials!唔係補習邊有咁多書黎送呀!!

唔好以為暑假就好得閒呀! 7月就開summer course 喇，之前咪用黎整notes，同定下年既方向，仲有要知做緊D咩promotion，真係同明星差唔多...=___=