早排工作有D唔如意事
我好肯定自己工作態度冇問題
但畀老細話自己唔上心都真係梗住梗住....
今日放左工之後衝左去Office 對面街買書
慘啦
我而家買乜都冇mood都仲會去買書
唔通個人真係定性左??
聽日放假
我決定左將做野既次序調一調
畀自己一個休孖Day既假像!!!
2010年6月2日星期三
2010年6月1日星期二
easyjournal down左...我同佢既記憶仲留到幾耐?
blog...一定唔係而家先開始寫，呢一個係純記錄純發泄既匿名blog。之前諗左好耐開唔開好，但因為同個大學同學食飯講開又講返到黎忍唔住都係開左。
正當而家剛剛有D事業，而又同個舊人有景既時間，想睇返以前中學雞既時候寫落既野。果時係用easyjournal架，但呢幾日上極都上唔返去，睇唔返果時既交換日記:( 話唔定個天都唔想我記返咁多以前既野，一切重新開始卦。
果時真係同個男人響easyjournal道一齊寫野，裡面全部都係高中時既生活片段，佢千祈唔好永不超生呀...唔係我既記憶就咁無晒。我相信而家好少人會有hard copy既日記架嘛....
話說之前忙到媽媽都唔得閒見，可況係見男人，約左成個月先至約到佢又得閒我又得閒既日子咋!其實我同呢個人既關係好古怪，一直以黎都似似地係又似似地唔係咁...簡單黎講係兩個人約出黎先似一齊但有其他人又唔係咁。呢個狀態維持左唔知幾耐，而同呢個人出去既相一擺"飛卜"，其他人都會講我地好sweet，所以對住D同事都懶得解釋，當佢係正印算喇。雖然，我知自己既身份係特約...
其實，我咁耐以黎都走唔甩，原因係一件小小既事。
中六果一年，佢係一個轉校生，而佢係班上面唯一一個高分過我既人，而咁啱我地都係讀maths group，又咁啱我地因為成績好而做左學術大使(即係負責每日幫同學抄低有咩功課交既人...真係好好既發明...)就係咁...無啦啦好熟成日講電話又一齊放學咁...
有一日，等巴士返屋企傾傾下，手上面本黃頁咁厚既pure maths書跌左落地，而入面夾住呈紙張狀既海量功課畀一陣怪風吹出馬路，呢隻仔...竟然同我衝左出馬路執返我D功課!!!好彩果時冇車，唔係佢因為咁而畀車車死左既話我真係唔知點算...
果時我就諗，一個人會肯為我衝出馬路，佢個心差極有限。雖然，之後我同呢一個人過左一段因為青春叛逆而互相傷害既日子，但係響佢大學畢業之後又無啦啦friend 返。
唉，一friend返就出事。
根本我地唔應該做朋友，但佢同我都同時間怕左負責呢樣咁沉重既野而揀左呢個對我地黎講最舒服既相處方式- 拍拍哋拖。
可能人大左冷靜左，出奇地我地唔會再嗌交。
手痕想睇返以前既事等我記返起當時既一D感覺，點知個server down Q左...頂，快D好返啦!等我做返backup囉。
正當而家剛剛有D事業，而又同個舊人有景既時間，想睇返以前中學雞既時候寫落既野。果時係用easyjournal架，但呢幾日上極都上唔返去，睇唔返果時既交換日記:( 話唔定個天都唔想我記返咁多以前既野，一切重新開始卦。
果時真係同個男人響easyjournal道一齊寫野，裡面全部都係高中時既生活片段，佢千祈唔好永不超生呀...唔係我既記憶就咁無晒。我相信而家好少人會有hard copy既日記架嘛....
話說之前忙到媽媽都唔得閒見，可況係見男人，約左成個月先至約到佢又得閒我又得閒既日子咋!其實我同呢個人既關係好古怪，一直以黎都似似地係又似似地唔係咁...簡單黎講係兩個人約出黎先似一齊但有其他人又唔係咁。呢個狀態維持左唔知幾耐，而同呢個人出去既相一擺"飛卜"，其他人都會講我地好sweet，所以對住D同事都懶得解釋，當佢係正印算喇。雖然，我知自己既身份係特約...
其實，我咁耐以黎都走唔甩，原因係一件小小既事。
中六果一年，佢係一個轉校生，而佢係班上面唯一一個高分過我既人，而咁啱我地都係讀maths group，又咁啱我地因為成績好而做左學術大使(即係負責每日幫同學抄低有咩功課交既人...真係好好既發明...)就係咁...無啦啦好熟成日講電話又一齊放學咁...
有一日，等巴士返屋企傾傾下，手上面本黃頁咁厚既pure maths書跌左落地，而入面夾住呈紙張狀既海量功課畀一陣怪風吹出馬路，呢隻仔...竟然同我衝左出馬路執返我D功課!!!好彩果時冇車，唔係佢因為咁而畀車車死左既話我真係唔知點算...
果時我就諗，一個人會肯為我衝出馬路，佢個心差極有限。雖然，之後我同呢一個人過左一段因為青春叛逆而互相傷害既日子，但係響佢大學畢業之後又無啦啦friend 返。
唉，一friend返就出事。
根本我地唔應該做朋友，但佢同我都同時間怕左負責呢樣咁沉重既野而揀左呢個對我地黎講最舒服既相處方式- 拍拍哋拖。
可能人大左冷靜左，出奇地我地唔會再嗌交。
手痕想睇返以前既事等我記返起當時既一D感覺，點知個server down Q左...頂，快D好返啦!等我做返backup囉。
我的工作
雖然我係一個讀language既人，但係我好鐘意用廣東話寫野。
只會係我最唔開心既時候用返白話文寫野。
希望呢一個blog 入面既野會係廣東話為主啦。
我都想自己keep住開心。
講返我份工，我既正職係補習天王助手，同平時既助教唔同，因為要走唔同既centre。Peak 既時候真係試過全日都見唔到太陽光，響centre入面由朝到晚不停play碟。真係人都癲。最慘既係，身為一個勤力既助手，再加上每班既進度係未必一樣，好多時同一堂聽足7次，精心計算既笑位都會笑唔出，但眼訓又唔訓得。所以都唔好話我地淨係識得播碟!!!
忍耐力要超強，因為一入行個人就會自然變左美國時間。做記者要有鐵腳、馬眼同神仙肚，而我地助教(其實天王都係...)都一樣要有!!!堂與堂之間好小會有break，因為課堂真係排得好緊湊!放工真係有時十一點幾先走得...雖然話返下晝4/5點，但仲有個上晝要prep materials!唔係補習邊有咁多書黎送呀!!
唔好以為暑假就好得閒呀! 7月就開summer course 喇，之前咪用黎整notes，同定下年既方向，仲有要知做緊D咩promotion，真係同明星差唔多...=___=
只會係我最唔開心既時候用返白話文寫野。
希望呢一個blog 入面既野會係廣東話為主啦。
我都想自己keep住開心。
講返我份工，我既正職係補習天王助手，同平時既助教唔同，因為要走唔同既centre。Peak 既時候真係試過全日都見唔到太陽光，響centre入面由朝到晚不停play碟。真係人都癲。最慘既係，身為一個勤力既助手，再加上每班既進度係未必一樣，好多時同一堂聽足7次，精心計算既笑位都會笑唔出，但眼訓又唔訓得。所以都唔好話我地淨係識得播碟!!!
忍耐力要超強，因為一入行個人就會自然變左美國時間。做記者要有鐵腳、馬眼同神仙肚，而我地助教(其實天王都係...)都一樣要有!!!堂與堂之間好小會有break，因為課堂真係排得好緊湊!放工真係有時十一點幾先走得...雖然話返下晝4/5點，但仲有個上晝要prep materials!唔係補習邊有咁多書黎送呀!!
唔好以為暑假就好得閒呀! 7月就開summer course 喇，之前咪用黎整notes，同定下年既方向，仲有要知做緊D咩promotion，真係同明星差唔多...=___=
訂閱：
文章 (Atom)
